Davao City – Dili pa masita sa Department of Trade and Industry Davao Region ang mga tindahan nga namaligya og Lato-Lato nga uso karon dulaan sa bisan asang dapit sa nasod.
Matud ni Trade and Industry Development Specialist Darlene Ana Enojarda, dili pa nila puwede madakop ang mga namaligya tungod wala pa’y mando ang ilang central office kabahin niini.
Apan giingon ni Enojarda nga dili parte sa mga produkto nga kinahanglan muagi gayod sa standard ug suggested retail price sa buhatan ang lato-lato apan kung magpakanaog gayod og instruction ang DTI Central Office kabahin nini gilayon ila kini buhatan og action plan alang sa implementasyon sa mando.
Busa tambag ni Enojarda ngadto sa mga ginikanan nga monitoron ang ilang mga anak aron dili mabun-og ang mga kamot niini samtang magdula sa lato-lato.
RadyoMan Joel Viray
Facebook Comments
