Davao City – Gikumpirma sa Department of Trade and Industry (DTI)-XI nga wala pa silay na-endorso sa Local Government Unit (LGU) ug Business Bureau nga mga establisyemento nga wala nakatuman sa health and safety protocols batok Coronavirus Disease 2019 (COVID-19) dinhi sa Davao Region.
Sa interbyu sa DXDC RMN Davao kang Atty. Dianne Bay Grado, Legal Officer sa DTI-XI, gibutyag niini nga subay sa ilang monitoring, nagasunod man ang mga establisyemento sa regulasyon nga ginapatuman subay usab sa Inter-Agency Task Force (IATF).
Segun ni Grado, hugot ang ilang monitoring sa mga establisyemento diin kung aduna may pakyas sa pagpatuman sa protocols, ilaha kining ginahatagan og warning una i-endorso sa hingtungdang ahensya alang sa tukmang aksyon.
“So far, wala pa ko naka ano og endorsement sa LGU nga violation. Ginabalikan man gud namo ang establishment kung sa first visit dili sila compliant, pagka second ginabalikan sila para ma-check kung na-comply na nila ‘tong first na kulang sila,” segun ni Grado.
Padayon nga panawagan sa DTI-XI nga sundon ang mga health and safety protocols nga gikinahanglan aron luwas sa COVID-19, ang mga trabahante ug mga indibidwal nga mosulod sa establisyemento o gambalay.
RadyoMaN Kirby Manzon
