Sa pakighinabi sa DXDC RMN Davao kang Deolly Roque, hepe sa Consumer Protection Division sa Department of Trade and Industry (DTI)-XI, ilang nasabtan nga dili ingon ana kadali nga mapaubos ang presyo sa bugas ilabi na nga taas pa ang presyo sa ilang kuha sa ilang daan nga stock.
Sulti ni Roque nga kini ang rason nga gina-monitor lamang nila ang rice retailers pinaagi sa pagkuha sa buying ug selling price niini, ug wala usa gipatuman ang sanction sa makalapas sa maong direktiba.
“Naay warehouse nga by sack gyud sila. So, naa kadtong 50 kilogram, naa sa P2,450, P2,500. Sa 25 kilogram, naa poy P1,200-P1,300 ang sako. Kung imuha na syang i-convert into per kilo, higher gyud sya sa price ceiling,” butyag ni Roque.
Matud sa DTI-XI nga padayon ang ilang monitoring uban ang Department of Agriculture ug uban pang ahensya, sa mga rice retailer nga maoy basehan usab sa ayuda nga itunol sa apektadong mga negosyante.
RadyoMaN Kirby Manzon
