Suma ni DTI XI-Price Monitoring Head Jeniffer Glimada nga wala pa sila’y nadawat nga sumbong batok sa mga groceryhan ug mga tindahan nga giingong nagpatuman og mas taas nga presyo sa mga produkto nga pang-noche buena karong panahona.
Segun ni Glimada nga halos pareho ra ang ilang gipagawas nga price guide ug presyo sa noche buena nga mapalit sa mga dagkong groceryhan karon gawas lang sa mga tindahan nga nagpatong na og pila ka piso sa presyo sa mga produkto.
Gipasabot ni Glimada nga walay kontrol ang ilang buhatan sa mga tindahan nga nagpatong na og dinagko nga presyo sa mga produktong pang-noche buena kini tungod usab sa convenience nga ginahatag sa mga gagmay’ng tindahan itandi sa mga groceryhan ngadto sa mga kustomer.
Aminado si Glimada nga dunay pagsaka karon sa presyo sa noche buena sama sa mayonaise, pasta, macaroni, ug uban pa apan kini nakabase usab sa presyo sa miaging tuig.
Tambag ni DTI XI- Price Monitoring Head Jeniffer Glimada sa publiko nga mas maayo karon na mupalit og pang Noche Buena samtang dili pa dasok ang mga tawo sa mga nag-unang groceryhan ug ang paliton kadtong naka-package na daan aron makabarato ning panahon sa pasko.
RadyoMaN Joel Viray
