DTI-XI: Rice retailers hataga’g panahon sa pag-comply sa ‘price ceiling’

Davao City – Gisugdan na sa Department of Agriculture (DA), Department of Trade and Industry (DTI)-XI ug uban pang law enforcement agencies ang monitoring sa mga rice retailer sa Davao City, subay sa Executive Order No. 39 nga nagtakda sa price ceiling nga P41 sa regular milled rice ug P45 sa well-milled rice, epektibo sugod September 5, 2023.

Sa pakighinabi sa DXDC RMN Davao kang Deolly Roque, hepe sa Consumer Protection Division sa DTI-XI, iyang gisulti nga gina-monitor lamang nila karon ang sitwasyon sa mga retailer apan wala pay gina-issue nga notice of violation sulod sa pito ka adlaw.

“Mura’g hatagan sa sila’g lead time to address or naa pay other measures pud ang government himuon kay i-balance man pud nato ang ekonomiya tapos ang atoa man lang gyud aning objective is to provide sa mga Filipino citizen kanang affordable nga presyo (sa bugas),” sulti ni Roque.

Matud sa DTI-XI, padayon gihapon karon ang panagpulong sa mga concerned agency sa kaulohan aron maplastar ang pagpatuman sa direktiba nga walay madehado tali sa mga konsumante ug mga negosyante nga pareho lamang nagakaon og bugas ug nagapaningkamot sa pagpanginabuhi.

RadyoMaN Kirby Manzon