Davao City – Wala sumala pay nahimong problema ang Department of Trade Industry XI (DTI-XI) sa mga retailers sa rehiyon kung hisgutan ang pagpatuman sa Suggested Retail Price (SRP).
Kini ang gibutyag ni Nemia Lumaino, Trade and Industry Development Specialist sa DTI-XI sa pakighinabi sa DXDC RMN Davao.
Matud pa ni Lumaino nga nakasabot ang mga retailers sa Region XI nga makatabang kanila ang pagsunod sa SRP ug alang usab kini sa kaayohan sa ilang mga suking konsumante.
Gisaysay ni Lumaino nga ilang gina-upload sa DTI website ang listahan sa mga produkto ug SRP niini ingon man ginahatagan mismo og kopya ang mga retailers aron aduna silay makitang SRPs sa ilang mga tindahan.
Apan giklaro ni Lumaino nga adunay administrative fine nga atubangon ang kinsa mang molapas sa gipatumang SRP.
Subay sa Price Act, ang penalties nag range sa P5,000 hangtud sa P2,000,000.
Apan aduna usay revised schedule of administrative fines for violation sa trade and industry law sama sa Price Act diin basehan usab sa penalty ang capitalization sa mga retailers.
RadyoMaN Kirby Manzon
