Pagadian City – Dungan sa pag-emplementar sa City Ordinance No. 048 nga nailang ‘ An ordinance requiring all drivers and riders or passengers of motorcycles to wear the duly approved protected half face helmet with uncovered face while driving, and imposing penalty for violation thereof” ang istriktong gimonitor karun sa Department of Trade and Industry DTI- Zamboanga del Sur ang mga baligyang helmet sa syudad.
Ang moang lakang isip pagsunod sa mandato sa ahensya nga protektahan ang mga kosumante sa uncertified og substandard nga mga produkto nga gibaligya sa negosyante.
Gidugang pa sa DTI nga ang mga tindahan o establisyemento nga nasakpang namaligya sa mga uncertified products makalapas sa Akta Republika 4109 or Product Standard Laws,ug makasupak usab sa DTI Department Order o4 ug 05 diin mokabat sa P300mil ang mamahimong multa dungan ang pagkanselar sa business permit.
Niadtong nakalabay nga semana gisuta sa mga Personahe sa DTI ang 65 ka mga tindahan nga namaligya og helmet apan walay niusa niini ang nakalapas kay atol sa pagberipika adunay tatak nga Import Commodity Clearance ( ICC) ug Bureau of Products Standard.
Apas sa isyu labot sa pagsaka sa presyo sa helmet miingon si DTI Provincial Director Maria Atay nga dili na kini kontrolado sa ahensya.
