Due process sundon sa Investment Schemes closure

Davao City – Nagpadayon ang gikasang case build-up sa gitukod nga Inter-Agency Task Force batok sa mga malimbungon kun fraudulent financial or investment schemes.

Atol sa interbyu sa RMN Davao kang National Bureau of Investigation Tagum District Office Assistant Regional Director Jonathan Balite nga tanang investment schemes imbestigahan.

Gitatataw ni Balite nga muagi’g due process ang tanan ug dili dayon kini pasirad-an.


“Syempre iyong ano ni Presidente, i-che-check natin through legal process, di naman pagsinabi niyang isara, isara mo kaagad. Ganoon lang siya mag-instruct pero due process lahat iyon siya,” matud ni Balite

Sumala ni Balite nga mag-agad usab sila sa korte ug sa mga violations sa maong mga investment schemes.

“Gina-check namo karon kung unsay mga laws violated niya bago namo maingon nga masirado. Ang NBI dili makapasara pero ang court pwedi, kung may court order kung naay for example hindi nagbabayad siguro sa BIR pweding i-caution sa BIR, mag-assist kami,” segun niini.

Gipasabot ni Balite nga buot lamang proteksyunan sa pangulo ang publiko aron dili mabiktima sa mga scams ug aminado kini nga mismong siya dili matumbok giunsa niining mga investment shemes ang giingong pirteng dagkua sa porsyento nga returns sa kwartang gi-invest.

“Pino-proteksyunan kasi ni Presidente alam mo na as president diba. Hindi natin alam kung ano ang mga mechanics, kung paano nila na-aachieve iyon at saka eventually bumagsak, iyon ang pine-prevent ng Presidente, kung muyabo unya unsaon nalang basi’g magkagubot samot. Karon wala pa medyo siguro mag-enjoy pa pero kung muabot ang time, unya saka pa ta muaksyon?” sumala ni Balite.

Gibatbat ni Balite nga kasong Swindling, Estafa ug uban pang specific special laws ang pweding atubangon sa mga investment schemes.

“Aware man ang tanan nga nisulod ana no, so kabalo pod sila sa repurcussion kung sakali nga muhagbong ni syempre dili nila masisi ang government nga naga-remind sila nga scam na,” sumala niini.

RadyoMaN Aimee Guinita

Facebook Comments