Davao City- Nakatala og dugang upat ka mga dugang COVID-19 Delta variants ang Davao Region.
Sumala ni Dra. Rachel Joy Pasion, Regional Epidemiology Surveillance Unit Head sa Department of Health Davao Region, nisaka ngadto sa walo ang total nga na-detect nga Delta variant cases sa Davao Region.
Sumala sa DOH XI, ang ika-upat nga delta case mao ang 37 anyos nga taga-Davao City nga na-swab niadtong July 6, 2021 ug nakarekober na niadtong July 16, 2021 una pa man nigula ang resultang positibo kini sa Delta variant.
Samtang, ang pinakaunang natala nga Delta variant case sa Davao del Sur, gikumpirma kini sa Rural Health Unit sa Sta Cruz, Davao Del Sur sa ilahang official facebook page.
Matud sa DOH XI na-swab kini niadtong July 10, 2021 ug nakarekober niadtong July 23, 2021 ug kasamtangang gipailawom kini sa sa quarantine facility.
Ang ikapito nga Delta case sa Region XI mao ang 25 anyos nga babae gikan og Saudi Arabia ug niabot sa Manila niadtong July 6, 2021.
Negatibo ang RT-PCR result niini una kini mibyahe sa Manila.
Gipailawom kini sa quarantine ug atol sa iyahang ikapito ka adlaw nga quarantine, gi-swab kini og nigula nga positibo kini sa COVID-19 hinungdan nga nag-isolate na usab kini og 10 ka adlawa una kini nadeklarang recovered.
Hulyo 24, 2021, niabot kini sa Davao ug gibyahe gikan sa Davao International Airport pa-Carmen, Davao del Norte sakay sa bus ug gi-quarantined sa TTMF sa Carmen, Davao del Norte.
Ang maong Delta case, gi-retest niadtong July 26, 2021 ug negatibo na ang resulta sa COVID-19 RT-PCR result.
Ug ang ikawalong delta case sa Davao Region, usa ka 51 anyos nga lalaki gikan og Zambia, Africa nga niabot sa Manila niadtong July 6, 2021.
Gi-quarantine kini sa hotel sa Makita hangtod July 16, 2021 ug nagpositibo ang iyahang RT PCR test result human kini gi-swab atol sa iyahang ikapito ka adlaw nga quarantine niadtong July 12, 2021.
Sulod sa pito ka adlawa sugod niadtong July 17, 2021, gi-isolate kini sa Mabini, Manila.
Niabot kini sa Davao City niadtong July 24, 2021.
Matud ni Pasion, nagpadayon ang investigation sa maong delta case nga nadugang sa Davao City.
Sa latest report, musumada na sa 318 ang na-detect nga variants of concern cases sa Davao Region gikan sa 2292 ka mga specimens nga gisumite para sa Whole Genome Sequencing sa UP-Philippine Genome Center.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
