Davao City – Dugang lima ka mga barangay sa syudad sa Davao partikular na sa ikatulong distrito ang gideklara nang drug cleared sa Regional Oversight Committee Barangay Drug Clearing (ROCBDC) atol sa gihimong deliberation/declaration kagahapon buntag (Marso 16, 2021) sa Barangay Malagos Covered Court, Baguio District, Davao City.
Ang lima ka mga barangay mao ang Barangay Atan-Awe sa Toril District, Barangay Malagos ug Tawan-tawan sa Baguio District ug Barangay Baganihan ug Bantol sa Marilog District ning syudad.
Ang maong mga barangay naka-comply sa mandatory requirements alang sa drug cleared barangay nga gi-set sa Dangerous Drugs Board Regulation Number 3, Series of 2017 and Memorandum Circular Number 2020-041.
Ang aktibidad gitambongan sa mga miyembro sa Regional Oversight Committee, representative gikan sa City Anti-Drug Abuse Council (CaDaC) of Davao City ug Barangay Officials sa lima ka drug cleared barangays.
RadyoMaN Kirby Manzon
