Dugang 8 police stations gimugna

29

Davao City – Walo ka mga stasyon ilawom sa Davao City Police Office (DCPO) ang gidugang subay sa mando sa PNP National Headquarters.


Sa interbyu sa DXDC RMN Davao kang DCPO City Director Police Col. Kirby John Kraft, gibutyag niini nga kini alang sa mas dali ug madangpan (accessible) sa mga Davaoeños ang kapulisan tungod kay ang DCPO gikonsiderang Class A ug gikinahanglan nga adunay 20 ka mga Police Stations aron ma-comply kini.

Ang dugang walo ka mga stasyon kuhaon gikan sa unom ka mga dagkong stasyon base sa population, area, development ug crime situation.

Sumala ni Kraft, ang mga bag-ong Police Stations mao ang (PS) 13-Bajada (gikan sa 1-Sta. Ana), PS 14-Torres (gikan sa PS 2-San Pedro), PS 15-Ecoland; PS16-Ma-a; PS 17-Baliok (gikan sa PS 3-Talomo), PS 18-Mandug (gikan sa PS 5 Buhangin), PS 19-Catigan (gikan sa PS 8-Toril) Eden, ug PS 20-Los Amigos ( gikan sa PS 9-Tugbok).

Gisulti ni Kraft, 400 ka mga dugang personahe ang gikinahanglan para sa dugang 8 ka mga stasyon ug nagpadayon karon ang paglihok nila sa mga istruktura sa mga imuntar nga stasyon.

RadyoMaN Aimee Guinita

Facebook Comments