Davao City – Nanawagan ang Davao City Disaster Risk Reduction and Management Office (CDRRMO) sa publiko nga mamahimong maabtikon sa pagsunod sa ilang mga pahimangno ilabi na sa mga posibleng pre-emptive ug force evacuation tungod sa Trough of the Low-Pressure Area (LPA) nga maoy nakapaulan sa rehiyon.
Gipahimangnoan ni CDRRMO Administrative and Training Chief Lyndon Ancajas ang dabawenyos nga nagpuyo sa lugar nga bahaonon nga dayong mubuhat og proactive measures aron masigurong luwas ang tanan.
Nagpahinumdom ang ilang buhatan nga dili na angayang hulaton nga muabot pa sa force evacuation ug pre-emptive palang sundon na ang mando sa City Government of Davao.
Subay sa padayong pag-ulan ug pagbaha, naki alayon na ang CDRRMO sa mga Barangay Disaster Risk Reduction and Management Council aron andamon ang ilang mga evacuation areas kung ugaling aduna pay dugang pagbakwit sa katawhan.
RadyoMaN Ivy Parido
Facebook Comments
