Davao City- Patong-patong nga kaso ang atubangon sa nadakpang sakop sa Philippine Coast Guard (PCG) personnel human niatubang sa media ang laing biktima kinsa alegasyong gi-rape niini.
Ang ikaduhang biktima 23 anyos ug usa usab ka freelance model dinhi sa dakbayan sa Davao.
Sumala ni Vicente Essex Minguez, NBI XI Head agent, laing kasong human trafficking, rape usurpation of authority ug illegal possession of firearms ang ipasang-at batok sa suspek nga giilang si SN2 Khalid Abdullah.
Gisaysay sa biktima nga nahitabo ang giingong pagpanlugos kaniya niadtong Nobyembre 30, 2022 sa kadlawon.
Una pa man mahitabo ang insidente giagni kini sa suspek og trabaho isip usherette sa usa ka casino.
Apan, sulod usab sa kotse alegasyong gilugos sa suspek ang biktima.
Sumala sa biktima, tungod sa kahadlok sa hulga sa iyahang sa kinabuhi ug grabeng trauma sa insidente wala dayon kini nidangop sa mga awtoridad.
RadyoMaN Aimee Guinita
Facebook Comments
