Personal nga gitambongan ni Vice President Leni Robredo ang symbolic turn-over sa nahumang 60 ka mgatemporaryo’ng balay alang sa mga pamilya nga nawad-an sa ilang pinuy-anan tungod sa lima ka bulan nga giyera sa Marawi City niadtong nakalabay’ng tuig.
Gisaksihan sa mga pribadong donor ang pagbalhin sa 48 kamga pamilya nga gikan sa mga evacuation tents sa Lanaodel Norte. Ang uban kanila mga kanhi home- based evacuees sa Iligan City.
Ang dugang mga pamilya nga maoy benepisyaryo sa nahibiling 12 ka mga balay gitakdang mobalhin karong semanaha.
Ang maong temporaryo’ng pinuy-anan, nga gitawag og Angat Buhay Village, gipatukod sa Angat Buhay Foundation. Ang Angat Buhay Foundation nagsuporta sa mga programa sa Office of the Vice President nga nagtabang sa mgakomunidad tungod sa limitado nga budget sa maong buhatan.
Ang funding sa pagpatukod sa maong mga balay gikan sa mga pribadong donors ug mga negosyante nga misalig kang Robredo sa iyang pagtabang sa komunidad.
Nag- supervise sa pagpatukod niini ang Xavier University – Ateneo de Cagayan.
Naa kini mahimutang sa Area 7 sa Biyaya Ng PagbabagoTransitory Shelter sa Barangay Sagonsongan sa Marawi City.
