ILOILO – May dugang nga 103 ka barangay nga gindeklarar nga drug cleared sa region 6.
Suno kay PDEA 6 Director Wardley Getalla ini nga mga barangay nadeklarar nga drug cleared matapos ang serye sang deliberasyon sang Regional Oversight Committee.
Diri sa Iloilo ang mga barangay nga nadeklarar drug cleared naggikan sa Alimodian nga may 42, Cabatuan may 22, Bingawan 14, Tubungan 9 kag Mina isa.
Lakip man sa bag-o nadeklarar amo ang 15 ka barangay sa San Remegio Antique.
Una diri may nadeklarar man nga drug-cleared sa mga banwa sang Mina nga may 15, Janiuay 11 kag Maasin walo.
Samtang diri sa syudad sang Iloilo wala sang bag-o nga nadeklarar nga drug cleared maluwas lang sa una nga tatlo nga nadeklarar sang nagligad nga tuig nga amo barangays Luna kag Santa Isabel sa Jaro kag Sampaguita sa City Proper.
Photo from web
