Dugang nga budget sang mga pulis kag suldado, luyag ni senador Ralph Recto nga dugangan

Nagpanawagan si Sen. Ralph Recto sang dugang nga budget nga ihatag sa mga soldado kag kapulisan nga napilasan sa pagtuman sang ila katungdan.

Ginhimo ni Recto ang proposal agud hatagan sang reward ang masobra isa ka libo nga militar kag pulis nga maisog nga nakig-away sa mga armado na terorista sa Marawi City.

Ginapropose ni Recto ang isa ka million ka pesos nga reward sa pulis ukon militar nga ma- disable sa bilog nga kabuhi sa tion sang combat duty.

Mas mataas ini sa karon nga 250,000.00 lamang nga ginahatag sang gobyerno.

Paathag ni Recto nga kun malubha ang samad sang pulis ukon militar abagahon ini sang natungdan sa bug-os nga kabuhi gani dapat nga mareview na ang mga guidelines.