ILOILO City – Mabatyagan na subong nga semana sang mga motorista ang epekto sang dugang nga buhis sa mga produktong petrolyo.
Ini bangud nagapaubos na ang mga daan nga stock sang langis nga nabakal sang mga oil companies sang nakaligad nga tuig.
Base sa Tax Reform Acceleration and Inclusion ukon TRAIN law, magataas subong nga tuig sang 2.97 kada litro ang gasolina kag 2.80 kada litro sang diesel.
Kadungan sini, nagmahal man ang presyo sang imported nga petrolyo kabangdanan magataas pa gid ang presyo sang gasolina sang 80-90 sentimos kada litro kag 40-50 sentimos kada litro ang igadugang sa presyo sang dieselk kag kerosene.
Sa kabug-usaan, magasaka subong nga semana ang presyo sang gasolina sang 3.77 tubtub 3.87 kada litro kag ang diesel magataas sang 3.20 tubtub 3.30 kada litro.
