Dugang nga provincial roads sa Capiz, igapaidalom sa rehabilitasyon

83

CAPIZ – Guinpaseguro sang gobierno probinsyal sang Capiz pinaagi sa Equipment Pool Division nga madamo pa sang mga Provincial kag Barangay Roads sa probinsya sang Capiz ang igapaidalom sa pagpakaayo.
Suno kay Engr. Joel Jumbas nga sa karon guinpatigayon na ang road repair sang karsadahon sang Brgy. Parallan sa banwa sang Maayon kag guilayon na nga igasunod ang kaiping nga kabarangayan sa nasambit nga banwa. Magluwas sa nahauna nga distrito sang probinsya, may yara man sang nakalinyada nga mga provincial roads sa Segundo distrito ang natalana nga pagakaayuhon sang provincial government.
Dugang pa sa pagpahayag ni Jumbas nga igasaylo guilayon ang mga heavy equipment sa mga lugar nga masunod nga pagakay-uhon ang dalan agud guilayon man nga mahatagan sang solusyon ang kabudlayan sang pumoluyo sa guba nga dalanon.
Madamo pa suno sa iya nga mga opsiyal sa barangay ang nagahingyo sang bulig kay Governor Tony del Rosario nga mapaayo ang ila mga karsadahon labi yadtong guinakonsiderar nga Farm to Market Roads sa nagkalainlain nga kabanwahanan sa probinsya.
(c) Capiz Aksyon News Center

Facebook Comments

From Advertisers