Davao City – Gi-deploy karon sa Police Regional Office kun PRO XI ang dugang mga police officers sa Davao del Norte ug Davao del Sur tungod sa nasutang intense political rivalry ilabi na nga hapit na ang local and midterm 2019 elections.
Sa gihimong AFP-PNP Presscon, gibutyag ni PCOL. Eden Ugale sa DRPO PRO XI nga adunay tahas ang PRO XI Regional director nga magdugang og kapulisan sa nasangpit nga probinsya ilabi na sa Davao del Norte human gituohang hinungdan ang away sa pulitika ang pagpusil-patay sa usa ka liason officer nga giilang si Rogelio Manglicmot Serrano, igsoon ni New Corella Mayor Rhodora Alcoran.
Apan gikanayon ni Ugale nga nagpadayon pa ang ilang imbestigasyon kalabotan niini.
Dugang pagpaklaro sa opisyal nga wala migawas sa ilang imbestigasyon ang pangalan sa biktima nga nalambigit sa pagpatay sa usa ka kagawad sa New Corella, Davao del Norte niadtong miaging bulan.
Sa karon, closely monitoring ang gilusad sa kapulisan sa mga probinsya aron usab masigurong luwas ang pagpahigayon sa eleksyon karong tuiga.
RadyoMaN Renz Barbarona
