Gipasigarbo sa Department of Public Works and Highways kon DPWH Region 10 nga makita na ang mga proyekto sa buhatan ilabina sa probinsya sa Bukidnon.
Sa interview sa RMN Malaybalay ngadto kang Vinah Maghinay, ang information officer sa DPWH Region 10 gibutyag niini nga daghan nang proyekto ang napatuman sa probinsya apil na ninii ang pagpalapad sa national highway.
Sigun ni Maghinay nga epekto niini dili na kaayo makasinati ug kahagip-ot sa dagan sa trapiko.
Dungan niini nihangyo si Maghinay nga lugwayan pa ang pasensiya sa publiko kung adunay ma-apektahan sa umaabot pa nga proyekto nga ibubo sa Bukidnon.
Matud niini nga lauman nga aduna pay daghan proyekto nga ipatuman sa probinsya sa umaabot nga panahon maong ni-apil siya sa publiko nga suportahan ang programa sa gobyerno.
