Davao City – Dako og ikatabang sa syudad sa Davao kung mahinayon ang pagdugang og personahe sa kapulisan ilawom sa Davao City Police Office (DCPO).
Sa ekslusibong pakighinabi sa DXDC RMN Davao kang Talomo PNP station commander Police Chief Inspector Ronald Lao, mamahimo na nilang mapatrolya ang mga suok nga bahin sa ilang area of responsibility nga sagad mahitaboan sa mga krimen sama sa pagpangawat, pagpanghasi, ingon man pagpanghold-up.
Subay kini sa giingon ni PNP Director General Oscar Albayalde atol sa pagbisita niini dinhi sa Davao City nga magdugang og 500 ka mga pulis ang dakbayan.
Sa kasamtangan adunay 153 ka mga personahe ang Talomo PNP gani mas mokusog ilang pwersa kung dugangan pa og usa ka gatos aron mapakgang ug madakpan ilabi na ang mga riding in tandem.
Giawhag usab ni Lao ang katawhan ilawom sa ilang AOR nga makigkoordinar kanila panahon nga adunay mamatikdang suspetsadong lihok sa ilang palibot.
RadyoMaN Jason Amisola
