Davao City – Mihatag na og proposal ang Davao City Police Office ngadto kang Mayor Inday Sara Duterte-Carpio kabahin sa gipangayong dugang personahe sa kapolisan nga gikinahanglan sa DCPO.
Sumala pa ni DCPO City Director PSSUPT. Alexander Tagum nga tumong sa maong proposal mao ang mas gipahugtan nga seguridad sa syudad diin matod pa niya kinahanglan og 3,497 police personnel ang dakbayan sa Dabaw.
Gidugang ni Tagum nga aduna nay 1.7 million residents ang Davao City hinungdan nga angay ra nga dungagan ang ihap sa mga kapulisan.
Gikanayon ni Tagum nga ang maong proposal ilang gipaabot sa Sanggungiang Panglunsod aron matagaan og pagtagad ug hisgutan sa hawanan sa konseho.
RadyoMaN Don Pulayao
Facebook Comments
