Davao City – Mamahimo nang mas ‘convenient’ sa mga tawong magpa-swab human nga adunay dugang swabbing sites karon ang gimontar sa syudad sa Davao.
Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga kini nga mga swabbing sites nahimutang sa Shanghai Gym, Mintal gym ug sa Ilang, Tibungco, Davao City.
Padayon usab gihapon ang serbisyo sa mga existing swab centers karon sa dakbayan nga anaa sa Sta. Ana, Magsaysay, ug ang Crocodile Park drive-thru swab center.
“Ang isa sa mga nadungog namo nga rason before nga mura’g mahadlok sila magpa-swab is because mahadlok sila nga ma-mix sa mga F1, ang F2, ang mga DQR mahalok… that’s the reason why nag-put ‘mi og additional nga mga swab sites para ma-address ‘ni nga concern and at the same time kadtong concern nga long lines gani, dili na na nato mabati karon,” saysay ni Schlosser.
Gikalipay usab sa health official nga dali na lamang makuha ang resulta sa swab diin makuha na kini sulod sa 24-48 ka oras.
RadyoMaN Kirby Manzon
