Davao City – Duha ka mga tawo patay samtang kritikal ang usa sa duha ka mga nasamdan human nagsungag ang duha ka motorsiklo sa Eden Toril ning siyudad alas nuebe kagabii.
Dead on arrival sa Southern Philippines Medical Center(SPMC) si Amador De Ala Jr. ug kritikal ang manghud nga si Crisanto De Ala, pulos nanimuyo sa mao nga lugar gumikan sa ilang nahiagoman nga bun-og sa kalawasan.
Tungod sa kakusog sa impact, patay sab ang driver sa gikabanggang motor nga may sidecar giila nga si Rolando Moncal, 52 anyos ug residete sa nasangpit nga dapit. Samdan ang angkas niini nga si April Mae Moncal, 11 anyos.
Sumala pa, hubog nga nagmaneho ang managsoong De Ala ug kalit mitipas sa opposite nga lane busa diritso kining mibangga sa sidecar nga nagpalugsong niadtong higayona.
Kasamang Joel Viray
