Duha arestado sa buy bust op

Davao City – Nadakpan sa buy bust operation sa Sta Ana PNP ang duha ka mga drug personalities atol sa ilang gikasang operasyon sa may Purok 7, Brgy.37-D, Davao City.

Dinakpan mao sila Ramil Mercado Estancia, 49 anyos, tricycle drayber ug laing usa ka mag-uuma nga si Kiking Tano, 50 anyos parehong residente sa nasangpit nga lugar.

Sumala pa positibong napalitan sa kapolisan ang duha ka suspek ug usa ka sachet nga shabu kambiyo ang P500.00 nga buy bust money.


Nakuha sa mga dinakpan ang laing pito ka sachet nga shabu nga mokantidad og kapin 10,000 pesos ug narekober sa kapolisan lakip nakumpiska ang mga drug paraphernalia.

Ang duha ka dinakpan tingkagol na Sta Ana Pnp ug mag atubang ug kasong kalapasan sa R.A 9165 kun Comprehensive Dangerous Drugs Act of 2002.

RadyoMan Don Pulayao

Facebook Comments