Davao City – Arestado ang duha ka suspetsadong drug pusher human ang sunod sunod nga buybust operation nga gilusad sa mga kapulisan sa Talomo Police Station.
Unang nadakpan alas 5:20 sa hapon ang suspek nga mao si Rodrigo Milagrosa Perono, 34 anyos, nagpuyo sa Bo. Obrero Davao City empleyado sa Business Bureau sa City Gov’t of Davao kansang nakompiskahan ug usa ka sachet nga shabu.
Gilusad ang buybust operation duol sa pinuy-anan sa suspek sa nahisgutang barangay.
Pagka alas 5:30 sa hapon gisunod usab ang pag aresto sa laing suspek nga drug pusher nga mao si BrayJay Delos Santos, 34 anyos nagpuyo sa Floretino Torres, Barangay Malvar Davao City.
Nakuhaan ang suspek og usa ka sachet sa shabu human paliti sa pulis nga nagpaka aron ingnon buyer og illegal drugs.
Ang duha lakip na ang mga ebidensya gikustodiya na karon sa kapulisan samtang giandam ang kasong ipasaka batok sa mga suspitsado didto sa piskaliya.
RadyoMaN Erin Lumosbog
