Davao City – Mag-atubang og kasong kalapasan sa Akta Republika 9165 (Comprehensive Dangerous Drugs Act of 2002) ug RA 10591 (Illegal Possession of Firearms and Ammunition) ang duha ka lalaking nadakpan sa buy bust operation sa otoridad.
Ang duha ka dinakpan mao sila si Richard Posadas, 48 anyos, welder, taga North Avenue, Kabacan, North Cotabato ug Analou Abelgas, taga Lower Madiang, Purok 5, Bunawan, Davao City.
Nadakpan ang duha sa drug buy bust operation pasado alas 7:00 sa buntag sa Garnet Street, Marfori Subd., Brgy 9-A, Poblacion ning syudad kinsa napalitan og usa ka sachet nga shabu bugti ang P500.00 nga buy bust money.
Narecober sa kapulisan ang laing usa ka paketeng shabu nga dunay estimated street market value P10,000.00, usa ka cellphone, usa ka .38 caliber revolver, upat ka bala ug mga drug paraphernalia.
RadyoMaN Don Pulayao
