Davao City – Nasikop sa kapulisan sa Calinan PNP ang usa ka drug pusher human gilusad ang buy bust operation sa pagpanguna ni Calinan PNP station commander Police Chief Inspector Michael Uyanguren, gikasa ang buy bust operation ilawom sa koordinasyon sa Philippine Drug Enforcement Agency 11 (PDEA-XI) alas 11:55 sa gabii didto sa Purok 20 Lara St., Faustra Calinan siyudad sa Davao.
Miresulta kini sa pagkaaresto sa usa ka Jose Rey Dela Los, 33 anyos, ulitawo ug nagpuyo sa nasampit nga lugar diin narekober sa kapulisan gikan sa possession sa dinakpan ang lima ka sachet nga gituohang shabu lakip ang 500 pesos buy bust mark money.
Sa pikas bahin, nasikop usab sa kapulisan sa Bunawan PNP ala 1:10 sa hapon ang usa ka habal-habal driver nga naila sa pangalang Kasim Engkong Joe, 26 anyos, residente sa Blk. 2 Purok 6, Brgy. Ilang Muslim Village, ug nakuhaan og duha ka sachet nga gituohang shabu atol sa gilusad nga buy bust operation didto sa Purok 13 Brgy.Tibungco ning dakbayan.
Ang duha ka dinakpan balhog na sa duha ka police stations ug mag-atubang sa kasong kalapasan sa R.A 9165 kun Comprehensive Dangerous Drugs Act of 2002.
RadyoMaN Don Pulayao
