Davao City – Gitambalan karon sa Southern Philippines Medical Center (SPMC) ang usa ka lalake human gidunggab sa iyang maguwang alas 4:00 sa hapon.
Nakahiagom og samad sa likod si Rey John Singanan, ug nagpuyo sa Purok 4, Bucana ning dakbayan.
Gikaaway matud pa sa biktima ang iyang maguwang nga nagresulta sa pagpangluba kaniya.
Samtang, gidala sa balay-tambalan ang usa ka lalaki human gitigbas alas 6:30 sa hapon sa Prk. Mabolo Brgy. Pindasan Mabini, Compostela Valley.
Biktima giila nga si Albert Mumbay, 38 anyos, minyo, usa ka laborer ug ang suspek giila sa pangalang Alex Juanico, hamtong pangedaron, mag-uuma, pareho residente sa nahisgutang lugar.
Sa blotter Mabini Police Station, nasayran’g kalit miabot ang biktima ngadto sa panimalay sa suspek ug gikuha ang sunoy nga manok hinungdang nasuko ang suspek ngadto sa biktima nga misangpot sa pagpanigbas.
Nakahimo sa pagdagan ug nakapangayo’g tabang ang biktima dayon gidali pagdala sa pinakaduol nga balay-tambalanan samtang ang suspek mitahan sa iyang kaugalingon ngadto sa kapolisan.
RadyoMaN Joel Viray / RadyoMaN Juls Catisay
