Pagadian City – Kasong paglapas sa Akta Republika 9165 kun “Comprehensive Dangerous Drugs Act of 2002” ang gi-atubang sa duha ka indibidwal nga nadakpan sa drug buy bust operation sa Purok Sampaguita, Brgy. Tawagan Sur ning syudad.
Ang tropa sa Drug Enforcement Team sa Pagadian City Police Station nga gipangunahan ni Police Lt. Col Alvin Saguban, ang nihimo sa maong operasyon nga miresulta sa pagkasikop sa mga target nga sila si Lilibeth Rivera Angco, 45-anyos ug Ronielito Acompaniado Tadle, 48-anyos pulos lumulupyo sa Purok Kawayan, Sitio Nazareth, Brgy. Buenavista, Pagadian.
Nakumpiska gikan sa posisyon ni Lilibeth ang usa ka paketi sa gitoohang “shabu” usa ka cellphone ug kwarta nga usa libo.
Samtang nakuha usab gikan kang Tadle, ang dakong pakite sa “shabu” ug usa ka cellphone.
Sumala sa kapulisan mobalor sa 10 mil pesos ang kantidad sa shabu nga ilang narekober gikan sa mga suspek.
