Davao City – Wala palabya sa kapulisan ang kahigayonan nga malutos ang grupo sa mga sugarol kinsa naghantak sa Pioneer Gate 2, Buhangin ning dakbayan alas 10:45 sa buntag kagahapong adlawa.
Wala makadagan ang pipila ka mga sugarol dihang nakalitan sila sa pag-abot sa presensiya sa mga pulis ug duha kanila ang nadakpan nga mao sila si Christian Angelo Bustaleno ug Lester Penanuevo samtang naka-ikyas ang uban nilang mga kaubanan.
Nabulgar ang tinago nga pagsugal sa mga dinakpan human adunay nakataho sa Presinto 5 labot sa paghantak sa lugar mao gilayon gipaadtoan kini sa Mobile Patrol ug akto sila nasapon nga nagsugal.
Nakuha gikan kanila ang duha ka coin nga maoy gigamit sa hantak ug P170.00 nga pusta.
Gitingkagol karon ang mga suspek sa Buhangin PNP samtang gihikay na ang tukmang kaso batok kanila subay sa kalapasan sa Republic Act 1602 kun illegal gambling.
RadyoMaN Joel Viray
