Davao City – Patay ang duha ka mga tigpayuhot og iligal nga druga human naneutralisa sa kapolisan atol sa gilusad nga buy-bust operation alas-4:00 sa kaadlawon nahitabo sa may Purok 5 Brgy. 37-D siyudad Davao.
Subay sa report gikan San Pedro PNP, naila ang suspect mao sila si alyas Bryan Payat, hingkod ang edad, ug alyas Cocoy, 35-anyos, pareho residente sa nahisgutang lugar.
Matud pa sa dihang gikasa ang buy-bust operation, malampusong napalitan ang mga suspect kambiyo ang P500 nga buy-bust money apan sa dihang nakamatikod nga mga sakop sa kapolisan ang ilang gikatransak kalit mihulbot sa ilang armas ug dayon gipamusil sa mga police apan abtik nga nakabalos ang kapolisan igo sa duha ka mga suspect.
Gisapupo paingon sa Southern Philippines Medical Center (SPMC) ang mga suspek apan gideklara sa mga attending physician nga dead on arrival.
Narekober gikan kang alyas Cocoy ang usa ka .38 kalibre sa armas nga dunay upat ka bala, ug lain pa nga basiyo sa 9mm ingon man walo ka sachet nga shabu samtang nakuha usab gikan kang Bryan ang usa ka .38 kalibre sa pistol nga adunay lima ka bala ug usa ka basiyo sa bala lakip ang unom ka mga paketa sa shabu ug uban pang illegal drug paraphernalia.
Sumala ni Police Chief Inspector Benkalin Baluan, Station Commander sa San Pedro PNP, ang duha ka mga suspect dugay na nga ginapanid-an sa kapolisan kinsa nagabaligya og shabu diin sagad sa ilang mga customer mga estudyante.
Giingon ni Baluan padayon pa nila ginaila ang kumpletong pangalan sa duha ka mga suspect.
Ang patay’ng lawas sa duha ka naasoy anaa pa sa morgue sa Southern Philippines Medical Center (SPMC) ning siyudad sa Davao.
RadyoMaN Don Pulayao
