SUBLING nanawagan ang kadagkoan sa Department of Labor and Employment kun DOLE region 10 sa mga walay trabaho labina sa mga bag-ong nakatapos sa ilang pagtuon nga pahimuslan ang duha ka adlaw nga Mega Job Fair nunot sa kasaulogan sa Labor day.
Matud sa Operating Officer sa DOLE region 10 nga si Benie Salinas nga gawas sa Job fair nga ilang himoon adunay business fair ang mahitabo nga nagtanyag sa panginabuhian ug negosyo nga mapilian sa mga aplikante.
Gibutyag usab sa maong DOLE official nga daghang bakanting trabaho ang nagpaabut sa mga aplikante ug ang Mega job fair mahitabo sa Limketkai Atrium ug matapos ugmang adlawa Mayo dos.
By: RadyoMaN Edgar Navarro
Facebook Comments
