Duha ka amay nabun-an sa separado nga insedente bangod sa hinubog

BACOLOD CITY, NEGROS OCCIDENTAL – Duha ka mga amay ang nabun-an bagud sang hinubog nga istorya sa duha man ka separado nga insidente kagab-i, isa sa ciudad sang Bacolod kag isa sa banwa sang Pontevedra.

Si Nelson Brosas, 47 anyos ang edad, pumuluyo sang Brgy. Bata ang nabun-an mga las 11:40 kagab-i sa gwa lang sang ila balay.

Suno sa bata sang biktima nga nagapungko lang ang iya amay sang ini ang ginpalapitan sang hubog nga suspek kag ginbuno.


Naigo sa li-og kag likod ang biktima matapos ginbuno sang wala makilala nga suspek.

Sa pihak nga bahin, nabun-an man ang isa ka 47 anyos nga amay kagab-i sa banwa sang Pontevedra nga nakilala naman kay Romeo Sag-ang, pumuluyo sang Brgy. Antipolo, banwa sang Pontevedra.

Suno sa biktima nga naglalisay sila sang suspek samtang naga-inom sa isa ka ilimanan kag nakibot na lamang siya suno sa biktima sang ini ang hinali na lamang nga ginbuno sang suspek.

Ang duha ka biktima ang lunsay karon ginbulong sa Corazon Locsin Montelibano Memorial Regional Hospital./dyHB BACOLOD

Facebook Comments