Duha ka anak sa banwa sang Dumarao, ginlabo sang ila amay, isa ang patay!

443
smart

Dumarao, Capiz- Patay ang 30-anyos nga anak samtang pilason ang magulang sini sang sila ang ginlabo sang mismo amay nga nakilala kay Ricordio Villanueva y Piad alas 7:15 sang gab-i sa Sitio Olang Barangay Sibariwan, Dumarao, capiz. Gindeklarar nga ginbawian sang kabuhi sang gindangat sa Dao District Hospital ang biktima nga ginkilala kay Michael Zuleuta y Villanueva matapos nag-angkon sang patal nga pilas sa iya ulo kag iban nga parti sang kalawasan. Samtang pilas man sa tiil ang naangkon sang magulang sini nga nakilala kay Ricky Villanueva y Zuleuta, 33-anyos ang pang-edaron. Suno sa imbestigasyon sang Dumarao MPS, upod nga naga-inum ang tatlo sa kaingod-balay. Ginhagad sang suspek ang mga kabataan sini nga magpauli bangud hubog kag gab-i na apang sa baylo nga magsunod ang mga ini, ginpulihan sang kastigo sang mga biktima ang suspek kabangdanan nga naggabot ini sang sanduko kag ginlabo ang duha ka mga kabataan. Sa subong yara na sa kustodiya sang Dumarao PNP ang suspetsado nga amay matapos ini ang boluntaryo naman nga nagsurrender sa mga kapulisan sa banwa sang Dumarao.


Facebook Comments