Duha ka anggulo ang ginasundan sang Jaro PNP angut sa kaso sang pagpatay sa empleyado sang Department of Agrarian Reform Provincial Office nga si Allan Salario kaina sang aga (June 6) sa Barangay Tagbak, Jaro.
Ini ang ginpahayag ni Police Captain Eduardo Siacon, hepe sang Jaro PNP.
Suno kay Siacon nga kalakip sa motibo nga ila ginasundan amo ang job related kag daan nga hiligut-anon.
Ginpahayag ni Siacon nga base sa ila pagpangusisa, may nakabais si Salario sang nakaligad nga tuig kon sa diin nakapanugid ini sa iya utod nga kon may malain nga matabu sa iya, nahibaluan na sini kon sin-o ang may kahimuan.
Dugang pa ni Siacon nga isa ka adlaw antis ginpatay ang biktima, daw kaangay nga nagapabilin-bilin na ini sa iya amigo nga bilinan niya sang iya payag kon may matabu nga malain sa iya.
