Pagadian City – Patay ang usa ka retirado nga sundalo human kining gipusil sa wala mailang mga responsable sa Purok Lower Lomboy, Brgy. Tuburan, Pagadian City alas 4:30 kagahapon sa hapon.
Giila ang biktima nga si Renante Reduca, 43-anyos, retired Philippine Army ug residente sa Block 17, Lot 8, Vitalea Subdivision, Brgy. Manga, Pagadian.
Sa inisyal nga imbestigasyon nasayran nga paingon na unta momaneho sa iyang motorsiklo (XTZ Yamaha) ang biktima dihang kalit nga nibutho ang duha ka lalaki nga nagsul-ob og mask, nagkalo nga armado sa caliber 45nga pistola dihang nakabenta largong gipusil ang biktima.
Samad pinusilan sa liog ug ulo maoy hinungdan sa hinanali nga kamatayon ni Reduca.
Daling niikyas ang mga suspek sakay sa Honda XRM paingon sa lungsod sa Labangan ning probinsya.
Personal nga bangi ug third party ang gisundan nga angulo sa motibo sa pagpusil biktima.
“Giila namo nga usa ka away personal kay initially kining biktima minyo sa Cebu diin iyang ka live-in karon lain na usab nga babaye nakasabot niya kini niadtong 2016, nag-optional retirement siya og wala na ning uli sa iyang asawa nga gituohan nga aduna siyay unom ka anak og posible usab nga third party ang hinungdan niini” pamahayag ni PCOL Alvin Saguban.
