Duha ka asawa nakulatahan sa bana

38

Daling nagpakitabang si Estela Aligato uban ang iyang anak nga babaye didto sa buhatan sa kapulisan human gikulata ang iyang anak sa mismong live-in partner niini.

Giila ang responsible nga si Ruben Larida, taga Brgy. A.L Micubo, Siocon.


Sa gihimong pag imbistiga ni PEMS Abner J. Silaga, nasayran nga gisugo sa amahan ang iyang anak nga 3 anyos aron mokuha ug plato apan ang gikuha usa ka basong tubig.

Didto na nasuko ang amahan ug gidapatan ang bata, hinungdan nga gibara sa inahan apan misamot na hinuon ug kasuko ang responsable ug gibunalan ang nawong niini gamit ang lipak sa kawayan.

Dali usab nga nasikop sa mga pulis si Ruben, ug gipaslak na sa bingguan.

Samtang sa lungsod usab sa Jose Dalman usa sab ka asawa ang nangayo ug tabang sa mga pulis human bun-oga sa iyang bana didto sa may Brgy. Tabon.

Butyag pa sa ginang nga gidagmalan siya sa iyang bana nga si Ronel Catipay.




Sa pagresponde sa mga pulis sa mao nga lungsod nasayran, kining bana ni Madelyn Catipay, naabot sa ilang balay gikan sa trabaho ug gi intrigo ang sweldo ngadto sa asawa.

Apan sa wala madugay, nagkalalis ang duruha hangtod nga nasagpaan sa bana ang nawong sa asawa nga miresulta sa pagka bun-og.

Daling gidala sa mga pulis ang bana ngadto ilang buhatan alang sa dugang imbistigasyon ug kun pasakaan ba ug kaso sa asawa ang kaugaling kapikas niini.

Facebook Comments