Davao City- Gipang endusar sa Sta. Ana PNP ang duha ka lalaki human nagpalast two sa gilusad nga anti-illegal gambling operation ngadto sa ilang area of responsibility.
Unang nadakpan sa kapulisan nga nagpalast two dinha sa dalan corner Leon Garcia ning siyudad si Kenjie Capote, 20 anyos, residente sa Brgy. Thomas Monteverde ning dakbayan ug narekober ang duha ka mga last two tab with corresponding numbers, usa ka carbon paper ug kwarta nga mokantidad og 330.00 ka pesos nga gipangpatad.
Samtang ikaduhang nasikop ug naaktuhan alas 7:00 kagabii sa Mabini Public Market ang usa ka Bonifacio Juntilla, 50 anyos, nagpuyo sa Brgy. 37-D ning dakbayan. Nakompiska gikan sa posisyon sa suspek ang bet money nga mokantidad og 450.00 ka pesos lakip ang mga resibo ug uban pang illegal gambling paraphernalia.
Ang duha ka suspetsado mag atubang sa kasong kalapasan sa Republic Act 9287 kun Anti-Illegal Gambling samtang gihikay na sa kapulisan aron i-file ngadto sa korte.
Gipamahayag ni Sta. Ana PNP Station Commander Police Chief Inspector Nolan Raquid, mas gipahugtan nila ang anti-illegal gambling operation ngadto sa ilang area of responsibility.
RadyoMan Don Pulayao
