Davao City – Sikop sa buy bust operation sa kapolisan San Pedro ang duha ka babae human nakuhaan og gituohang shabu nga mukantidad sa kapin P50,000.00 sa Magallanes St., Brgy. 2-A, syudad sa Davao.
Base sa report sa Presinto Dos, mga dinakpan giila mao sila Jalica Saumay, 27 anyos, negosyante nga taga Kolong-kolong, Palimbang, Sultan Kudarat ug Junelyn Selgas, 42 anyos, residente sa Maramag, Mati City, Davao Oriental.
Sumala pa napalitan sa kapolisan ang duha ka suspek ug usa ka sachet nga shabu kambiyo ang P45,000.00 buy bust mark money.
Samtang laing tulo pa ka pakete nga shabu ang narecover apil nakompiska ang duha ka cellphone nga maoy gigamit sa illegal nga transaksyon.
Mag-atubang ang mga dinakpan og kasong kalapasan sa R.A 9165 (Comprehensive Dangerous Drugs Act of 2002).
RadyoMaN Don Pulayao
