Gibutyag ni Atty. Archy Albao, NBI-SEMRO Director nga nadakpan kagahapon ang duha ka babae human nga namaligya ug yuta bisan wala kini lisenya ug pagtugot sa tag-iya.
Gisaysay sa opisyal nga ang duha nagpaka aron ingnon nga lisensyado nga Real Estate Broker nga adunay katungud nga magbaligya ug yuta, ingun man namaligya ug yuta nga wala hatagi ug pagtugot sa tag-iya.
Sumala pa nga nagpresenta ang mga suspek og Special Power of Attorney aron mabaligya ang yuta sa Barakatan, Toril, apan ang tag-iya wala naghatag ug pagtugot ingun man wala masayud ang tag-iya sa naasuy nga transaksyon.
Nasayran nga ang mga suspek nakabaligya ug yuta sa kliyente ug nakadawat sa P1.7 milyon alang sa 2.3 ektaryang yuta ug laing P300,000 ang nadawat alang sa 1.7 ektarya nga yuta.
Human masayran sa mga kliyente nga adunay problema sa mga gibaligya sa mga suspek, dali kining niduol sa NBI XI busa gikasa ang imbestigasyon nga nisangpot sa pagkadakop sa mga suspek.
Patong patong karon ang kaso nga atubangon sa mga suspetsado nga may kalambigitan sa pagsupak sa Real Estate Service Act, Stafa, ug Falsification of Documents.
RadyoMaN Bien Abanos
