Duha ka babayeng menor de edad, missing

20
Mao ning mga minors nga gipangita sa pamilya. PC: Misamis Oriental Provincial Police Office

Padayon pang gipangita karon sa pamilya ang duha ka mga menor de edad nga na missing.

 

Unang gipangita ang taga Barangay PSB, El Salvador City, Misamis Oriental ang 16 anyos nga si Stephanie Alim Jangao.

 

Si Jangao nihawa sa ilang balay niadto pang Setyembre 28 ning tuiga apan hangtud karon wala pa miuli sa ilang balay.

 

Matud sa iyang igsoon nga si Analyn Jangao Arpon nga nananghid iyang manghod nga moagto sa Damilag, Bukidnon apan wala makaabot sa lugar ug dili na makontak ang celfon.

 

Naghangyo ang igsoon nga kung makita si Stephanie Alim Jangao pwedeng motawag sa celfon number 0955-648-6745.

 

Samtang niadtong Oktubre 25 ning tuiga sa alas 11:20 sa gabie nialakaw sa balay ang 13 anyos nga si Audry Nicole Lucenta nga taga Barangay 4, Balingasag, Misamis Oriental.

 

Base sa nakuhang CCTV footage nga nihawa sa ilang balay si Lucenta dala ang duha ka backpack ug naghulat kaniya ang duha ka lalaki ug usa ka babaye nga wala maila sa pamilya.

 

Naghangyo ang kapulisan sa Balingasag nga kung makita si Audry Nicole Lucenta pwedeng motawag sa celfon number 0936-394-6292.

Facebook Comments