Duha ka balay sa Zone 3 Bo. Obrero, Lapuz ang natupok matapos magluntad ang sunog pasado alas 8 sini lamang nga gab-i (Abril 22).
Ang nasunog nga mga balay ginapanag-iyahan nanday Genoveva Neri kag Rey Cañete nga naupos gid matapos ginlamon sang kalayo.
Naghalin ang kalayo sa balay ni Genoveva Neri kag naglaton sa kaingud nga balay ni Cañete.
Sa karon padayon pa ang imbestigasyon sang Bureau of fire Protection kon ano ang ginhalinan sang kalayo.
Suno kay PSTMO chief Jeck Conlu nga tuman ka dasig sang pagdaku sang kalayo apang masuwerte nga wala na maglapta sa iban nga pamalay bangud sa firewall nga nagpugong sa paglapta sang kalayo.
Facebook Comments
