Davao City – Mireklamo sa Talomo PNP si alyas Kardo, 40 anyos, nagpuyo sa Barangay San Antonio Agdao, Davao City, gumikan nasakpan niya iyang asawa nga nga si alyas Tin-tin, 39 anyos, maestra nga ka date ang kabit nga lalake sulod sa iladong food chain sa MTS Compound Matina, Davao City, alas 7:00 sa kagabhion.
Sa blotter sa presento tres, gihap-an ni alyas Kardo gawas sa maong food chain gikan alas 6:00 sa hapon hangtud sa alas 9:00 sa kagabhion aron iya gyung masuta ang pagduda nga dunay laing gikabu-angan ang iyang asawa.
Pag-untop sa alas 7:00 sa gabie unang miabot iyang asawa ug misunod sa pag-abot ang kabit nga lalake dayong nag-ipon sa usa ka la mesa ug daw mga magtiayon nga nangaon.
Gipugngan lamang sa bana iyang gibati nga nagsud-ong sa sitwasyon gawas sa maong food chain bisan ug mingitngit na iyang panan-aw.
Pagka alas 9:00 nanggawas ang duha ug kalit nga misakay sa motorsiklo sa lalake ug niadtong tungura wala na masundi ni alyas Kardo kun hain na midiretso ang iyang asawa ug kabit niiini.
Mideretso na lamang si alyas Kardo sa Talomo PNP aron ipatala ang nahitabo aron makakuha siya’g kopya sa CCTV footage sa maong foodchain nga maoy iyang gamiton nga ebidensya sa Annulment process nga iyang ipasaka sa korte.
Sa pikas bahin, nalusno ang pagbati sa usa ka bana human nadiskubrehan niini nga nagluib sa kaminyoon ang iyang asawa nga iyang gitugyanan sa tanang pagsalig ug gugma.
Dismayadong nagpatala sa Buhangin PNP ang usa ka mister nga si Alyas Maverick, 26 anyos, walay trabaho ug nanimuyo sa barangay Cabantian batok sa iyang misis nga si alyas Johndiv.
Daw gikumot ang kasingkasing tungod sa kasakit nga gibati ni Maverick samtang nagsaysay sa pag-luib sa iyang asawa atubangan sa desk officer sa Buhangin PNP kagahapong adlawa.
Giakusahan ni Maverick ang iyang asawa nga dunay kabit gumikan sa mga mensahe sa cellphone tali kang Ronmar Pauyon timaan nga adunay ‘sexual relationship’ ang duha.
Nadiskubre sa bana ang pagbinuang sa iyang misis niadto pang Oktubre 28, 2017 apan karon lamang kini nakahuna-huna og padangat sa reklamo sa Buhangin PNP.
Sa karon, ginatiempo pa ni Maverick kun angay ba kini musang-at og kaso batok sa iyang asawa ug sa kabit aron matambalan ang dakong tabas sa samad sa iyang kasingkasing.
RadyoMaN Erin Lumosbog / RadyoMaN Joel Viray
