Duha ka batan-on, gi sitasa pulis, naaksidente!

101

Dapitan City-Tugpa sa balay tambalanan ang drayber ug angkas niini human kini naaksidente sa dihang gisulayan ug pahunong sa mga tinugyanan sa balaod tungod kay nag zigzag-zigzag tunga sa dalang nasyunal didto sa brgy. Banonong dakbayan sa Dapitan.

Ang duha ka mga batan-on naila nga sila si Jerome Batilante, 21 anyos taga brgy. Selinog, Dapitan uban sa iyang angkas nga si Jimmy Ortega, 18 anyos, taga brgy. Maligaya, Polanco.


Mismo ang hepe sa dakbayan sa Dapitan nga si PLtc. Jonathan Yabo ang misita sa duha ka batan-on aron pahunongon apan imbis nga mohunong mipatoratoy hinuon pagpadagan sa ilang motor ug hapit pa naka punggit ug studyante kilid sa dalan.

Pag abot niini sa kurbadahon, kalit lang mibalitok ang motor nga ilang gisakyan tungod sa graba nga milutaw sa kalsada.

Dali kini nga gitabang sa mga tinungyanan sa balaod aron dad-on sa balay tambalanan.

Sa karon puno sa pagmahay ang duh aka batan-on tungod sa ilang gidangatan.

Facebook Comments

From Advertisers