Kini human nga adunay duha ka batan-on nag-edad 20 ug 16 anyos ang nahagbong sa maong balon sa Purok 7, Bucawe, Brgy Cogon, Babak District, Samal Island, Davao del Norte niadtong Sabado, December 9, 2023.
Sa impormasyon gikan sa Davao City Fire District – Special Rescue Force (DCFD-SRF) pinaagi sa Facebook post nga aduna kini gilawmon nga 220 ft. diin atol sa ilahang rescue operation, patay ang usa sa mga biktima samtang luwas ang usa nga matud pa parehong mga trabahante nga maoy nagalihok sa balon.
Sa inisyal nga pagpanubay, nahagbong ang hagdanan nga gigamit sa duha hinungdan nga nahagbong sab sila.
Daling naglusad og high angle ug confined space response ang otoridad ug ginasuta usab kung kinsa ang nagpaluyo sa konstruksyon niini nga gituohang walay permit.
Butyag pa sa Samaleñang si Fatima Faith Fuentes nga ang bisan unsang konstruksyon o aktibidad sa ilahang lugar, publiko man o pribado, angayang iagi usa sa lokal nga panggamhanan aron luwas ang katawhan.
Duda sa mga netizens nga basin og adunay mining ang lugar tungod dili katuohan ang 220 ft. nga gilawmon sa maong balon.
RadyoMaN Ivy Parido
