Davao City- Subli na usab nisiaw ning dakbayan kining mga grupo sa mga kabatan onan human nagariot alas 10:40 kagabii didto sa dalang San Pedro ning siyudad.
Sa pagpanguna ni Police Officer 1 Louie Jay Leyes kauban ang Task Force Davao, giindurso sa San Pedro PNP ang usa ka batan on nga nalambigit sa riot nga si Frances Samza, 19 anyos ug usa ka construction worker nagpuyo sa Brgy. Salaysay Marilog District ning siyudad ug usa pa ka menor de edad nga nagpangiron og 16 anyos, residente sa Brgy. Ladayun, Arakan North Cotabato sa human kini girescue sa mga awtoridad.
Matud pa naaktohan sa awtoridad nga nagriot niadtong tungora ang grupo sa mga batan on hinungdan nakompiska gikan sa posisyon sa batan on ang usa ka mahait nga hinagiban ug usa ka handgun improvise nga armas kun sumpak.
Ang suspek gikustodiya sa San Pedro PNP ug moatubang og kasong kalapasan sa republic act 10591 kun Illegal Possession of Deadly Weapon samtang ang menor de edad ang giturn over sa Women’s Children Protection Desk kun WCPD.
RadyoMan Don Pulayao
