Pagadian City – Nahulipan og kagul-anan ang malipayon unta nga kasaulogan sa anibersayo sa usa ka ilado nga fraternity human nadakpan sa buy bust operation ang duha ka mga myembro niini kagahapon sa hapon.
Sa prisohan na nagsa-ulog sa selebrasyon ang duha ka batan-ong lalaki nga sila si Elroy Puspos alyas “Roy”,27-anyos ug Anmer Jhon Tilos alyas “Jan-Jan,31- anyos, parehong residente sa Purok Bagong Buhay, Brgy. Balangasan, Pagadian City.
Nakumpiska sa kapulisan gikan kanila ang duha ka pakete sa gituohang shabu, usa ka unit sa iphone cellphone, usa ka unit sa Honda Wave nga single motor nga nagtangag sa plaka numero JA-26355 ug 500 pesos isip buybust money.
Temporaryo nga gi-detain sa Pagadian Police Station Lock-Up cell ang duha ka suspetsado nga gikatakdang pasakaan sa kasong paglapas sa Akta Republika 9165 kon Comprehensive Dangerous Drugs Act of 2002. Credit to the owner
