Davao City – Midangop sa Sta. Ana PNP ang usa ka babayi nga si alyas Gemma, hamtung ang pangidaron, residente sa may Mabini Blvd. ning siyudad ug usa ka cashier sa usa ka iladong mall sa may dalang J.P. Laurel Bajada.
Iyang gireklamo iyang kauban sa trabaho nga si alyas Rhea, usa usab ka cashier dha sa nahisgutang mall kay matud pa gilaparo ug gidumog siya niini atul pa gayud sa ilang duty.
Matud pa nga mga bandang alas 7:30 sa kagabhion diha sa may 5th floor sa nahisgutang nga mall, busy kuno ang complainant sa pag-ihap sa iyang halin ug sa kalit gibugno siya sa respondent atubangan sa daghang customers hinungdan gipangdala ang duha sa Sta. Ana PNP.
Nahimong charge counter charge ang nahitabo sa duha kay mipasaka usab og kasong Unjust Vexation si alyas Rhea ngadto kang Gema tungod kay gisultian usab siya kun nakasulay naba siya og ‘one night stand’ hinungdan sa kasuko niini ug wala kini makapugong dayon gibunlot niya si Gemma.
Selos ang hinungdang nganong nagbugno kining duha ka cashier diin nasayran nga karibal diay ang duha ug ilang giilogan ang usa ka lalaki.
RadyoMaN Paul Canono
