Duha ka 20 footer container van sa mga counterfeited nga mga kaha sa sigarilyo ang nasakmit sa mga sakop sa Bureau of Customs (BOC)-7, inabagan sa Philippine Coast Guard (PCG)-7 ug sa Bureau of Internal Revenue (BIR)-7.
Matod ni Neil Estrella, Customs Intelligence and Investigation Service director, nga dili lang kini maoy unang higayon nga nakasakmit sila og mga kaha sa mighty brand nga sigarilyo diin peke ang tax stamp niini.
Gitug-an ni Estrella nga gikan sa kauluhan, ilaha nang gimonitor ang maong kargamento diin gisakay ang container vans sa barkong MV Don Alberto Sr. sa Gothong Lines ug niadtong adlaw lang nga Domingo kini miabot sa pier 4.
Nasayran nga giagi pa og Tacloban ang maong mga kontrabando, sa wala pa kini miabot sa Sugbo.
Gamit ang staggant reader nga ekipo, giablihan ang duha ka container vans og nasuta sa ekipo nga peke ang tax stamp sa mga kaha sa sigarilyo diin atol sa gihimong initial examination, nitunga niini ang representante sa consignee nga si Rolando Pocong, mga kawani sa BIR, Shippings Lines, ug PCG.
Ang mga nasakmit nga container vans i-turn over sa BoC ngadto sa BIR alang sa proper disposition.
Dugang ni Estrella nga mohimo pa sila og dugang pakisusi sa insidente, diin posibleng mag-atubang ug kaso ang responsable sa pagpalusot sa maong mga kontrabando.
Facebook Comments
